Սովորել ֆրանսերեն

 

Իրականում շատ հեշտ է հասկանալ, թե երբ պետք է օգտագործել ֆրանսերենի passé composé-ն (անցյալ կատարյալ): Բայց նախքան նրան անցնելը իմանանք թե ի՞նչ է հայերենի անցյալ կատարյալը:

 

Հայերենի անցյալ կատարյալը ցույց է տալիս խոսելու պահից առաջ ավարտված գործողություն։ Այն արտահայտում է մի անցյալ ժամանակակետում առանց որևէ տևականության կատարված, ավարտված գործողության իմաստ։ Օրինակ՝

 

Ես պատմեցի

Դու տվեցիր

Նա գրեց

 

Ֆրանսերենի passé composé-ն օգտագործվում է խոսելու պահին արդեն կատարված գործողությունը նկարագրելու համար: Օրինակ՝

 

J'ai raconté - Ես պատմեցի

Tu as donné - Դու տվեցիր

Il a écris - Նա գրեց

 

Այսպիսով հայերենի անցյալ կատարյալը և ֆրանսերենի passé composé-ն համարժեք են:

 

1. Բառացի թարգմանությունը

Եթե բառացի թարգմանենք j'ai mangé նախադասությունը, ապա կունենանք հետևյալը՝ ես ունեմ կերած: Ինչքան էլ տարօրինակ թվա, բայց դա այդպես է:

 

J'ai mangé - Ես ունեմ կերած

J'ai parlé - Ես ունեմ խոսացած

 

2. Passé composé-ի կազմությունը

Ինչպես տեսնում եք այդքան էլ դժվար չէ: Սակայն passé composé-ն ունի մի նրբություն. նա կազմվում է avoir (ունենալ) կամ être (լինել) օժանդակ բայերով: Օժանդակ բայի ընտրությունն էլ կախված է բայից: Օրինակ՝

 

Je suis allé - Ես գնացի

Tu as mangé - Դու կերար

Il est venu - Նա եկավ

 

Ինչպես երևում է վերոնշված օրինակում, aller բայի դեպքում օգտագործված է suis, որը être օժանդակ բայն է խոնարհված սահմանական ներկայով: Իսկ manger բայի դեպքում օգտագործված է as, որը avoir օժանադակ բայն է խոնարհված սահմանական ներկայով:

 

Այսպիսով ֆրանսերենի passé composé-ն կազմվում է՝

 

Դերանուն + օժանդակ բայ (սահմանական ներկա) + հարակատար դերբայ
Pronom + verbe auxilière (présent) + participe passé

 

Անձնական դերանուն	+	«Լինել» օժանդակ բայ	կամ	«Ունենալ» օժանդակ բայ	+	Հարակատար դերբայ
je		suis		ai		participe passé
tu		es		as
il / elle / on		est		a
nous		sommes		avons
vous		êtes		avez
ils		sont		ont

 

3. Հարակատար դերբայի վերջավորությունը

Երբ օժանդակ բայը être է, ապա հարակատար դերբայի վերջավորությունը կախված է լինում դերանվան սեռից և քանակից: Օրինակ՝

 

Ju suis allé - Ես գնացի
Երբ դերանունը արական է:

 

Je suis allée - Ես գնացի
Երբ դերանունը իգական է:

 

Nous sommes allés - Մենք գնացինք
Երբ դերանունը արական հոգնակի է:

 

Nous sommes allées - Մենք գնացինք
Երբ դերանունը իգական հոգնակի է:

 

Վերջավորությունների աղյուսակը իգական անձնանունների դեպքում՝

 

Անձնական դերանուն	+	«Լինել» օժանդակ բայ	+	Հարակատար դերբայ
je		suis		allée
tu		es		allée
elle / on		est		allée
nous		sommes		allées
vous		êtes		allées
ils		sont		allées

 

Վերջավորությունների աղյուսակը արական անձնանունների դեպքում՝

Անձնական դերանուն	+	«Լինել» օժանդակ բայ	+	Հարակատար դերբայ
je		suis		allé
tu		es		allé
il /on		est		allé
nous		sommes		allés
vous		êtes		allés
ils		sont		allés